反斗奇兵大本營 現實與模型...

仲有兩日咋！兩日後，就開幕啦！真係由宣佈擴建果一刻期待到而家啊！今次想同大家比較下園區嘅真實面貌同埋設計模型有咩出入。以下嘅設計草稿同模型，都係響樂園入面既 動畫藝術廊 影嘅，應該好多人都睇過...





首先有整體園區入面嘅裝潢，模型入面見到有一個個彩色燈泡同埋木條，響園區入面都可以見到一模一樣既裝潢，好靚架！

之後就到 玩具兵團跳降傘 嘅概念圖同埋真實設置。最頂端同埋支撐柱好似有少少唔同喎！

至於 衝天搖控車，都同原本既模型幾相似喎！

而 轉轉彈弓狗，都可以見到等待區既 彈弓狗 包裝盒同原本模型相同。

歡樂桶，胡迪 同 翠絲 同大家見面嘅地方。周圍都有 彩色馬騮！

玩具兵團 都同原本好相似。園中都有對講機裝飾，但太巨型，士兵們當然冇拎起佢啦！

最後，就係園區入口嘅 字母積木 同埋 木條罐，都同原先好似架！

唔知，響你心目中，真實嘅園區同你原先預期又有冇咩大分別呢？