呢幾日又再冇咩時間寫文章，就算今朝有少少時間，都上載完相就要出去補習... 隨著文憑試愈黎愈接近，我都愈黎愈忙，不斷溫書補習；入樂園玩的確可以幫我舒緩下壓力，亦已經係我現時僅有既娛樂，所以聽日都想入去輕鬆下...
講完我既野，就講返呢篇文章嘅主題，香港迪士尼樂園鐵路。去 香港迪士尼樂園 玩既話，香港迪士尼樂園鐵路 都可以算係其中一個熱門遊樂設施。坐火車，可以環繞整個樂園一周，見到唔同既野；但其實佢都有另外一面架！等我地響 美國大鎮大街車站 登上火車，開始奇妙之旅！
上車坐好之後，我地開車啦！再見 美國小鎮大街！
進入 探險世界，眼前出現斑馬、猩猩等的動物，更有獵頭族既警告！
當你留意樹林中不同事物嘅同時，火車已經響不經不覺間經過 灰熊山谷、迷離莊園 既地盤... 灰熊山谷 已經開始成形啦！雖然見到地盤好似破壞咗樂園嘅奇妙感覺，不過可以知道新園區嘅建設進度都算係一件特別既事。
就黎去到 幻想世界 嘅時候，火車背後就係 反斗奇兵大本營 啦！
更加可以見到遠處嘅 反斗兵團跳降傘！因為佢實在係太高啦！
響 幻想世界車站，等其他乘客都坐好之後，就繼續旅程啦！
經過 幻想世界 嗰陣，可以見到以 小小世界 為主題，一條漂亮既橋樑。
同時亦會經過巡遊路線嘅起點，會見到路軌道路交界閘。
進入 明日世界，會見到 太空山、太空飛碟 等遊樂設施。
而呢個位置，其實亦係火車返回車廠嘅入口，回廠路軌橫跨 馳車天地 嘅公路。
離開 明日世界 之前，綠色小人 更加會現身同大家打招呼！
進入樹林，一圈嘅火車旅程亦快將結束，要準備落車啦！
到站前，你會見到一則 大街百貨店 廣告！落車後你會唔會選擇去購物呢？
到站！「Main Street Station, Main Street USA.」！
沒有留言:
張貼留言