今日去左 反斗奇兵大本營 既預演日，同大家簡單分享下今日既野啦！我今朝特別一早入去，預左玩成日。其實好似冇試過真係由開門玩到關門... 哈哈，今日雖然玩到好累，但係好滿足啊！仲影左六百幾張相返黎！
預演響中午12:00正式開始，我早15分鐘去等，已經有一班會員等緊... 一行入去見到嘅就係This Way標示！之後就見到 胡迪(Woody) 響入口企響到歡迎我地！
入到去首先玩既就係 衝天遙控車！可能琴晚太興奮唔係好夠訓既關係，我一玩完就頭痛，痛左成日... 但係我好鍾意玩佢啊，夠刺激，我晏少少之後都玩多左次。
之後就係 玩具兵團跳降傘，亦都玩咗兩次，其實唔係好驚... 略嫌唔夠刺激，但係周圍氣氛好好！
最後係 轉轉彈弓狗，可能因為適合一家大小，所以要排耐少少。響到轉黎轉去，幾得意，的確係比較適合小朋友。
後門仲有 泡泡龍 Rex 響到，佢講啲野好搞笑，哈哈！暫時簡略講到呢到先，遲啲再分享更多相片！
沒有留言:
張貼留言