反斗奇兵大本營 開幕快將100天啦！雖然100日唔係一段長時間，不過下一個新園區，灰熊山谷 亦將會於今年夏天開幕，搞到我已經好期待啦！仲有一個多月，對我黎講好重要既公開試就會開始，係呢段期間，只要我諗起 灰熊山谷，就會有好大既動力溫習！所以，我要努力完成考試，之後就可以響新園區開幕既時候玩餐飽！
先前有幾次都有影到 灰熊山谷 既工地。分別響 泰山樹屋 上面影同埋坐火車既時候影既。其中，更加試過夜晚既時候響樹屋上面影，灰熊山 就好似多左一份神秘感。而響唔同時間影既相片，都印證左 灰熊山谷 既工程進度。
當然，想了解更多有關 灰熊山谷 既資料，就要去 樂園擴建預覽中心。不過而家暫時改為 臨時奇妙處處通會員服務中心，已經冇得睇啦。而家只好睇返先前影落，展覽中 灰熊山谷 既草圖啦！
展覽中亦有一隻 灰熊 模型，期待未來響過山車上可以見到佢既蹤影！
見到展覽入面的模型，就更加令我希望見到 灰熊山谷 的真面目！
事實上，時間既逝去的確比我想像中快。所以呢幾個月算得上D咩丫！灰熊山谷，我會等你架！
沒有留言:
張貼留言