Duffy 的新禮物 - 水手服 及 Passport套裝

繼續講返之前響樂園入面買既紀念品先。之前就講到有兩位新加入的 Duffy迪士尼小熊，但其實仲買咗兩樣 Duffy 相關商品，就係 水手服飾套裝 以及 Passport套裝！

先講 水手服 啦！因為之前 Duffy 仲著住新年衫，所以冇幫佢換黎影相。其實呢套衫都出左好耐，不過一直以黎都買其他衫俾佢，冇買呢套。今次既 水手套裝 包括一頂 水手帽 同埋 水手衫。

平時成日都會見到著住呢套衫既 Duffy 圖像。呢頂 水手帽 真係好得意啊！

至於 Passport套裝 入面，包含一本 Passport、一條掛繩同埋 Duffy貼紙。

Passport 入面既每一頁都設計得好靚架！留意到入面既相片，響 香港迪士尼樂園 入面影既，相信係香港出品。咁就真係另我一點刮目相看！

最後一頁，俾我寫低 Duffy 既資料！不過到而家都未寫上去，唔想咁快畫花本咁靚既 Passport！

Duffy 佢拎住本 Passport 咁開心，好似好想去旅行喎！不過就要遲D先有得去啦...

一套 Duffy Collection！哈哈！