考試也能與迪士尼拉上關係?!

真係估唔到，呢排考試，響試卷入面我都能夠與 迪士尼 拉上關係！星期一考左通識，其中有一題問到：「在全球化的過程中，西方文化往往會取代其他文化。你同意嗎？」

我就答不同意，而響寫既時候，就引用到一個有關 香港迪士尼樂園 既例子...香港迪士尼樂園 係來自西方文化既，不過好耐之前，唔知睇邊個節目，就講到當初設計樂園既時候，都有特別考慮到本地人既文化同喜好。迪士尼 方面知道我地香港人有一個特別既喜好，就係影相啦！亦正正因為咁，響 香港迪士尼樂園 入面設計出一個全球獨有既設施：夢想花園，俾賓客響入面同心愛既 迪士尼朋友 影相。

睇段片既時候，都應該已經係幾年前，我到呢一刻竟然仲記得！

另外，我連中文作文都有將 迪士尼 寫響試卷入面！作文題目係：大學方面讓你於正式讀大學前，給予一年休學年，讓你享受生活，追尋夢想，你會如何計劃？先前都有提及過我既夢想係咩，就係成為一位樂園既演藝人員，而我亦都好興奮地，將屬於我既整個追夢之旅，寫成一篇文章！

雖然唔知最後成績會係如何，不過能夠有機會將自己既感受寫成文章，我已經心滿意足啦！