作為 Duffy 既發源地，的確係唔同啲！東京迪士尼海洋 有好多 Duffy 既產品都係全球獨家發售架！東京迪士尼 既出品，通常出名靚，比起任何地方都優秀好多。冇錯，呢幾日睇佢地既網站，發現佢地既產品有幾個特點：靚！的確係比香港出品既設計得較好。多！產品真係多不聲數。同埋... 貴！=_=
香港呢邊所賣既 Duffy 商品唔算多，衫亦唔會經常入貨，只會響節日時候入返啲特色啲既衫。咁 Duffy 響香港未算好出名，都明白樂園既考慮。( 農曆新年啲衫到而家都仲未賣得哂！)東京迪士尼海洋 嗰邊，先唔計特別節目，平常已經推出左好多精品！我響官方網頁搵到一堆商品，對以下呢啲比較有興趣...
首先當然係 ShellieMay，Duffy 個女朋友仔啦！到而家都仍然係全球獨家。其實我到而家都未知買唔買俾 Duffy 好，因為我都想買返一隻嗰邊出既 Duffy。而一隻熊仔都真係幾貴... 香港已經賣緊$320，日本係大約$380。不過去到當時睇下同香港呢邊隻熊仔有咩唔同先再決定啦！
以下呢個係一個俾 Duffy 既掛飾。相比起啲衫，佢算係平得多，約港幣$60。
以下呢個我必買！實在太得意啦！係 Duffy 貼紙黎架！
呢條毛巾仔唔算平，不過聽聞日本嗰邊既毛巾質地唔錯。所以都係去到現場，睇下質素先再決定！
呢兩本係 Duffy 圖畫冊，入面啲畫相信會幾靚，仲隨書有野送！
講到獨家，又點可以唔講 Duffy 既服裝呢？日本迪士尼海洋 賣既服裝同全球各地所賣既都唔同。剩係呢套水手裝，就已經靚多多聲！當然，亦得貴多多聲！日本啲衫，一套差唔多等同一隻熊仔咁貴！
呢盒餅仔，個盒又幾靚。唔知係唔係鐵罐呢？其實，我通常響樂園買零食返黎，都係貪個罐夠靚！因為我自己好少食糖的！不過就好鐘意食曲奇餅！呢盒啱哂我！去到睇下佢既真面目又係點樣先！
除了呢啲基本精品之外，適逢4月至6月係佢地既春日活動，所以仲有啲係特別有關春天既產品推出，而佢地...比以上既更靚，同時比以上既更貴！( 有關春日活動，可以瀏覽下一篇文章。)
春日主題產品，Duffy 有新造型！有新衫著，有新袋仔，有新行李包...其實我都唔知以下呢個係咩黎，應該係掛飾掛... 不過又真係幾靚既...
呢個係相簿黎，先前先響樂園入面買左本 Duffy 相簿... 咁究竟買唔買好呢？
佢地都有出 奇妙鑄幣 收藏簿，我而家嗰本係 史迪仔 黎。又係見到以下呢本就心郁郁！
仲有個好靚既行李包造型袋，可以用黎裝起 Duffy 啲衫喎！
亦都有曲奇餅，應該係鐵罐黎！
到 Duffy 既配件啦！首先係春日套裝！
之後係一個好似水手袋既野，可以裝著成隻 Duffy！我一開頭響官網見到呢張相既時候，以為係連埋隻熊仔。因為價錢係等同一隻熊仔，我以為個袋係優惠期送的。點知翻譯有關內容後，發現隻熊仔係唔包架！原本心郁郁既我又要諗諗先啦...
當然唔少得迷你 Duffy 啦！其實我想知道會唔會有得淨係買件衫，咁唔洗買多隻熊仔嘛！
最後一樣都係掛飾，不過係個人化的。你可以自由選擇字母同掛牌，不過... 都係逐粒計錢的...
由你決定點樣用，可以俾 Duffy 戴住，亦可以掛響第二到。講真嗰句，日本呢種飾物，每論設計上，同埋個人風格方面，都比我地香港而家推出緊既飾物好，香港只係幫你印個字上條手帶...
除了精品，仲有 Duffy 主題食物呢！雖然本野飲睇落都幾好味，不過並不是重點！重點係，呢杯野大約港幣$60，但係個杯係可以俾你拎走！雖然唔知真實既大小，不過相對黎講都值得買返杯！
另外亦有好似菠蘿包既小點心，都係大約$60。底下個小碟子都係可以拎走！
我終於明白點解東京迪士尼可以咁賺錢！因為佢地推出既產品就係有一種神奇既吸引力，只要睇一睇就有衝動想買！我地香港呢邊都可以參考一下人地，話唔定會有相當好既反應！
不過我更擔心既係... 只係以上呢啲產品，已經要好多錢...何況仲有其他園內精品、Disney Store 精品、其他Shopping... 究竟點算好啊！！
沒有留言:
張貼留言