平時響呢個Blog寫一篇文章，除咗寫嘅時候要頗多時間之外，另一個好花時間嘅步驟就係... 搵相！每次寫文章之前我都會搵啲有關嘅相，一黎就係我自己鍾意影相，可以順便分享一下自己影嘅相；二黎就係我知道，得一篇字冇相的話，係好唔吸引嘅。但係今日呢幾篇文章都係冇咩相嘅...因為都只係想同大家分享一下呢幾日有關我自己嘅事，每篇文章都唔係話太長，所以都唔刻意放咁多相了... 希望大家唔好介意 >_<
好啦，言歸正傳，今日就係我考DSE公開試嘅最後一日，英文口試。表現唔算差，但可能太緊張，自己都唔太滿意今日嘅表現。本身諗住過埋今日，就真係一身鬆哂；但事實上，冇。
可能因為一早響考完筆試嘅時候已經放鬆哂，亦可能因為仍然有好多事情等著我。而家又要整理好畢業紀念冊，然後拎去印刷；之後又有種種不同嘅面試接種以黎；同時間又要擔心自己最終嘅成績會唔會唔係咁好...
不過無論如何，既然正式完結啦，聽日不妨就入下樂園玩下啦！( 其實係想入去拎貼紙同埋新嗰張 灰熊山谷 樂園地圖 XD) 其他嘅野，就俾我放低一日咁大把啦！
沒有留言:
張貼留言