美國小鎮大街 Duffy 新櫥窗登場!

響我記憶之中，Duffy 好似未試過可以獨自霸哂一個商品櫥窗喎！今次終於有佢獨有嘅新櫥窗登場啦！入面仲有好多 Duffy迪士尼小熊 添！

其實之前入樂園都已經留意到，不過一直都未影相咁解。啲 迷你Duffy 排排坐排排企，好得意啊！

櫥窗塊玻璃上面仲貼上 Duffy 貼紙，寫住 Voyage Around the World，環遊世界的旅程。

順便提一提，今次發現有新商品規條，就係每款 Duffy 商品，每人限購5隻。相信係因為呢排部份 Duffy 產品減價，避免有人炒賣先訂出嘅。上網睇資料時，知道 東京迪士尼海洋 都有類似規則，不過 Duffy 響日本嘅人氣真係勁好多，所以要設立咁嘅規則都無可厚非。

響香港，我就唔覺得減完價之後有明顯的人氣升溫...  主要都係宣傳問題，響香港好多人都唔知 Duffy 係邊個，好多時聽到，遊客都係話：「呢隻熊幾得意喎！」但係就唔知道佢個名；響咁嘅情形底下，又點能夠促銷呢？