響 東京迪士尼渡假區 兩個主題公園入面掃完貨之後，除咗有一大堆紀念品之外，另外嘅收獲，就係一大堆膠袋！啲膠袋其中一邊係樂園嘅 迪士尼復活節奇幻世界 圖片，另一邊就用上海洋嘅 米奇和Duffy的春日巡航，兩個主題公園互用。
經過我點數之後，總共有54個！
特大：12個 大：4個 中：12個 小：18個 迷你：8個
有咁多個因為演藝人員除咗一般俾你裝野之外，仲會特別入多幾個，諗住俾你送俾人嘅時候可以放入膠袋入面，會靚啲。同時間，要用到大膠袋的話，佢地通常一用就會用兩個，再用膠紙連埋，咁樣就會令整體上厚啲，可以耐用啲，冇咁易穿。真係好貼心啊！
另外要提及嘅，就係 迪士尼商店 俾咗個超大嘅膠袋我！要用上咁大個膠袋，係因為要裝住超大條嘅豆豆！膠袋上印有 米奇 同埋 米妮 嘅圖片。
假如放隻 迷你Duffy 埋去，就會體驗到個膠袋究竟有幾大！
響 香港迪士尼樂園，我都好少可要用上咁大個嘅膠袋。不過我好記得，上年買隻 巨大Duffy 返屋企嘅時候，個膠袋都係好大個！XD
沒有留言:
張貼留言