6月29日，冇見兩年嘅 米奇水花巡遊 終於都出返黎啦！當日，樂園入面周圍都已經放上有關指示牌，話俾所有人知道，我地即將可以響呢個咁開心嘅巡遊大玩水花！
見到有兩位演藝人員哥哥出咗黎準備開閘，就知道巡遊快將開始啦！響開始之前，我亦做足準備，收埋大相機廢時整濕，同埋除定外套預備淋濕身！
期待已久，巡遊隊伍終於都出黎啦！
愈黎愈近啦，再配上節奏強勁嘅音樂，好興奮啊！
巡遊隊伍嘅開頭有 巴斯 同埋 玩具兵團！
巴斯 拎住大聲公，向我地發出命令，同水花玩餐飽！
巡遊開始冇幾耐，就突然落起一場大雨！所以我成個身同成個頭濕哂，都唔係水花嘅功勞，而係呢場雨嘅傑作。不過我一早就已經預咗濕身，咁樣反而玩得仲開心！巴斯 嘅後面有 三隻小豬 同埋想食佢地嘅 狼 啊！
仲有一啲盆栽同埋修剪工具。
之後就有 高飛 架花園灑水花車，車尾仲有 鋼牙與大鼻 響到泵水！
緊隨嘅係一班蝴蝶、花盆，以前仲有 愛麗絲 響佢地中間走黎走去，但係可能因為落雨，所以冇出到。
白兔先生 坐響灑水盆上面，呢架車啲水花都幾勁！
到 米妮 架花車出場啦！
都係有花盆，另外亦有一啲香水姐姐向住你噴水花！
米妮 企到好高，監督整個噴香水過程！
其實車頭有 黛絲，不過我今次影唔到，而車尾就有 Marie！
接著出場嘅係怪獸花同埋 Donald 架道具花車！本身呢個位應該有一班公主，但應該都係因為落雨而唔出。
Donald 要對準目標發射道具！
呢架車嘅車尾就有 Pluto 坐咗響到。
跟住呢架車行嘅係 皮諾丘 同埋 蟋蟀占美尼，不過我只係影到 占美尼。
到 米奇 出場啦！佢誓要令你俾水花由頭淋落尾！
米奇 架花車上面有 史迪仔，上網睇返以前啲片，上面唔係 史迪仔，可能每次都唔同。
之後有我鍾意嘅 Pooh 啊！可惜佢走得太快，影得唔清楚...
最後就係 胡迪 同埋 翠絲 嘅吸水機花車。一班玩具兵團幫你「吸走啲水」。
睇下！胡迪 好有型啊！
一場充滿歡笑嘅巡遊亦就此結束啦！
下次入樂園玩，我一定再大玩水花！因為真係好正啊！
沒有留言:
張貼留言