東京迪士尼之旅2012 - 旅程日誌
Day 2 日期：6月8日 (星期五)、地點：東京市區
早晨！早上起身，Duffy 佢地就響到望風景，咁即係昨晚訓得好好啦！
響酒店走廓個窗可以望到遠處嘅 Tokyo Skytree，不過我地最後先去。
是日早餐：牛肉飯加溫泉蛋。特別叫咗碗細嘅，因為我平時唔食早餐的... 加埋隻蛋，好味道！
今日我地就會向郊區進發，出發前買定支檸檬茶先！支茶唔太甜，啲檸檬味真好純正添！
咦！佢地兩個又想飲喎！
呢架就係我地租嘅車啦！
話咁快，我地就上咗高速公路。
響車上冇咩好做，睇下周邊風景都唔錯。
上高速公路嘅時候，要拎一張卡仔，記錄你響邊到開始用高速公路；當你去到目的地，離開高速公路嘅時候，佢就會計返距離黎收錢。
高速公路中途會有大大小小嘅休息站，俾你響長遠嘅路程上停一停，響餐廳食下野，去下廁所。
是日午餐：冷烏冬。啲鳥冬幾彈牙，最啱用黎降降溫。
食完野就繼續前進啦！轉上另一條高速公路，所以又有卡拎。
繼續睇風景，不過今次坐車頭。
之後又到休息站，呢個休息站仲有啲好靚嘅花盆做裝飾。
之後再揸多一陣車，就到達我地要去嘅景點啦！下篇文章繼續！;)
沒有留言:
張貼留言