東京迪士尼之旅2012 - 旅程日誌
Day 3 日期：6月9日 (星期六)、地點：上高地
下一個景點，私家車係去唔到。因為要保護環境，所以唔俾咁多車入去，只可以俾巴士入。所以坐完個幾鐘私家車之後，就要再轉巴士。響等巴士開出嘅時候，響一個小餐館食午飯，又係飯啊！正！
搭巴士上山啦！慢慢向山谷進發！因為要轉巴士嘅關係，我冇拎兩隻 Duffy 陪我，留佢地響私家車，只係拎咗 迷你Duffy。
大約二十分鐘到，就到達目的地 - 上高地。落車之後，要經過一條小徑，落去一個池塘。
其實呢個位冇咩睇到，因為當時比較大霧。又落起毛毛雨，所以都幾凍。
之後就黎到一條木橋 - 田代橋。
可以見到下面嘅河水，好清澈！
唔知點解，有時候真係覺得個景靚到好似係人為整出黎咁...
繼續沿住河邊行，中途有好多不同嘅景物。
我覺得呢啲樹嘅斑紋好得意。
依然係頗為大霧，不過就開始停雨啦。
山影得唔清楚，唯有影下啲草啦！
啲霧都開始散啦，可以見到多啲山景。
行咗大約半個鐘到，黎到呢到嘅著名景點 - 河童橋。
響呢個位可以見到多啲山上嘅樹，啲樹都幾靚嘅。
附近嘅裝飾都係以河童做主題，以下係洗手間門口嘅標誌。
突然好想飲牛奶，又見到樽咁嘅野，本地製造。不過我懷疑緊佢係牛奶定酸奶，又為只前響日本已經試過攪錯。但媽媽好肯定咁同我講，話係牛奶；咁好啦，買黎飲。點知一飲落口，又衰多次！=__=
不過我最後都有飲埋佢。咦！迷你Duffy 好似都有啲興趣喎！
好啦，係時候坐巴士返去啦。終於都一家團眾！
其實睇相又好難感受到嗰種氣勢... 當時置身於山谷之中，真係好似夢遊仙境咁，因為啲景真係好幻麗。不過，如果天氣好啲會更加好；同埋我覺得唔係真係太多野行。但係都已經好過之後嗰日我地去嘅景點，想知點解，記得繼續留意啦！XD
沒有留言:
張貼留言