世界上每一個 迪士尼樂園 嘅正中心，都係一個圓形，而不同嘅園區就會包圍住佢。呢篇文章就將會同大家分享一下 東京迪士尼樂園 嘅呢個圓圈位有啲咩擺設！
由樂園正門開始，直行穿過 世界市集，就會見到一個銅像，一個 華特迪士尼先生 同埋 米奇 手拖住手嘅銅像，而背景就係城堡啦。響銅像嘅後面，有幾排座位，不過係唔俾入嘅，我估可能係俾貴賓欣賞表演嘅座位。
響 香港迪士尼樂園，每逢有節日活動，中央位置周邊都會有一啲節日裝飾。東京呢到都一樣，我去嘅時候，就配合 迪士尼復活節奇幻世界，加咗啲節日佈置。
啲擺設好色彩繽紛啊！有白兔仔、復活蛋，以及一眾迪士尼朋友！咦！咁啱留意到，右下角嗰隻白兔仔好可愛啊！定係... 應該叫佢做橙兔仔？
行過少少，兩邊都會有另一個佈置。其中一邊就有 唐老鴨！
而另一邊就有 黛絲。大家又見唔見到木板上面啲樹葉畫咗啲咩呢？
周圍嘅燈柱上亦放上印有 迪士尼復活節奇幻世界 標誌嘅旗幟。
入夜啦！唔知你地又覺得配合咗燈光嘅節日佈置靚唔靚呢？
響 米奇米妮 嘅呢個裝飾嘅後面，原來有 高飛 響到架！亦有 HappyEaster 嘅字樣。
晚上時再次觀賞 迪士尼先生 嘅銅像，又有另一番感受...
唔知點解，香港迪士尼樂園 並冇設立到 迪士尼先生 嘅銅像。其實，一個銅像能夠紀念呢位創立 迪士尼公司 以及 迪士尼主題樂園 嘅偉人之餘，亦能夠無時無刻咁提醒我地，要記得佢嘅信念，咁都算係一件好事黎丫...
沒有留言:
張貼留言