之前都講到，卡通城 入面真正係玩嘅遊樂設施唔多，主要都係參觀下迪士尼朋友嘅居所。而呢篇文章就會講到城內其中一個遊樂設施，一座小型過山車。呢座小型過山車就叫做 艾芝迷你雲霄飛車 Gadget's Go Coaster。
背後嘅故事係講到一個叫 艾芝 嘅發明家，鍾意廢物利用，靠循環再造黎整發明品。而呢座過山車都係佢嘅傑作；可以見到架車都係利用橡果殼而造成架！
需要整個過程好快，但途中會經過一個小湖泊，湖邊有幾隻青蛙向過山車路軌噴水，不過就調較到響過山車經過前就會停，唔會整濕身嘅。
呢個小型過山車唔係太刺激，又可以感受飛馳嘅快感，最啱小朋友玩！( 哈哈，我都係一個長唔大嘅大細路，所以我玩埋一份！ XD )
沒有留言:
張貼留言