之後就黎到第二個主題園區，阿拉伯海岸 Arabian Coast。相信呢個園區原本嘅構思，應該都係黎自電影 阿拉丁，因為園區內主要都係同呢個故事有關。當行緊去呢個園區嘅時候，離遠已經聞到好香嘅咖哩味，因為入口有一架賣咖哩嘅車仔。講起爆谷，園內真係有好多不同味道嘅爆谷，除咗焦糖原味，仲有奶茶、士多啤利味等等。
入口充滿中東風情嘅建築物上面，亦掛有 米奇和Duffy的春日巡航 活動旗幟。旗幟上印有「Welcome Spring Travelers」歡迎在春季時份旅行的旅客 嘅字樣。
園區內嘅欄杆都係用咗中東風格，而樹木同植物亦都配合返主題。
入到去呢個阿拉伯城鎮旅面，周圍嘅佈置都整得非常細緻，特別係建築物上被侵蝕嘅牆面。
呢個園區嘅其中一個遊樂設施就響呢個咁巨型嘅建築物入面，其實係一個旋轉木馬，叫做 沙漠商旅旋轉木馬 Caravan Carousel，除咗木馬之外，仲可以騎燈神！
呢到啲佈置真係整得非常細緻！大家睇下呢個場景入面有幾多不同種類嘅裝飾！
去到呢個園區嘅另一邊，就係上年先新開幕嘅 茉莉公主的飛天魔毯 Jasmine's Flying Carpets。其實即係 小飛象旋轉世界 同埋 太空飛碟 嘅另一個版本，應該都係想加返多啲野俾小朋友玩。
呢個遊樂設施嘅入口旁邊仲有 茉莉公主 嘅寵物，老虎 Rajah 響到！
園區嘅呢一邊仲有一個小碼頭，不過就唔係俾你上船嘅，只係裝飾。呢到啲船亦都配合返阿拉伯呢一個主題架！
園區內仲有兩個遊樂設施，一個係 神燈劇場 The Magic Lamp Theater，入面會上映一套關於 阿拉丁 嘅3D小電影，不過響到訪當日，因為劇場進行粉飾工程而暫停上演。而呢一個遊樂設施就唔關 阿拉丁 啦，同另一個阿拉伯冒險故事有關，下一篇文章會再講！:)
沒有留言:
張貼留言