明日樂園 內嘅遊樂設施，伊歐船長 Captain EO 係一個3D電影黎嘅。故事講述 伊歐船長 同佢嘅船員意外落咗響一個黑暗星球，而佢地就想用音樂去改變呢個世界，令到黑暗星球重拾光彩！
飾演 伊歐船長 嘅，就係好出名嘅 Michael Jackson。其實呢套3D電影係響好耐之前拍嘅，係響1986年，即係超過25年前！之前呢個遊樂設施已經落幕，不過就響上年重新上映，向呢位以故巨星致敬。
等待區係一個長廊，都設計得好時尚。旁邊有啲電視，會播出幕後花絮。
入到劇場入面，有好大個 伊歐船長 嘅標誌，周圍係一顆顆閃亮嘅星星。
呢套電影全場約15分鐘，響劇場出口有一句標語「Together, we can change the world！」
正正就係呢套電影嘅中心思想，而我亦特別翻譯咗佢，用黎做呢篇文章嘅標題！
伊歐船長 呢套3D電影雖然係舊，但係入面都有好有趣嘅情節，亦充滿正能量！
能夠響 東京迪士尼樂園 入面一堵呢位巨星嘅昔日作品，實在係一個難得嘅機會！
沒有留言:
張貼留言