話咁快，暑假就黎完結啦... 唔講都唔記得，奇妙處處通 會員額外折扣優惠亦即將完結。響完結之前，當要又要黎個最後衝刺啦！咁難得樂園方面今次咁大方，都唔知幾時會再有！
睇咗 勇敢傳說之幻險森林 之後，雖然劇情一般，但係我覺得入面嘅三胞胎王子好可愛啊！特別係佢地變咗做三隻小黑熊！真係得意得黎又盞鬼！所以我今次就買咗一隻毛公仔返黎！( 其實去到呢一刻，唔好講話分出佢地三個丫，我連佢地三個叫咩名都仲未記得 XD )
呢隻毛公仔嘅最特別之處，就係可以將佢由一位小男孩，變成一隻小黑熊！
只要解開魔術貼，將整隻毛公仔反轉，就可以進行轉換！係唔係好得意呢？
呢隻毛公仔附上一張 勇敢傳說之幻險森林 電影招牌，入面亦有介紹到可以將佢轉換形態。
Um... 我諗我低估咗自己嘅自制能力... 又或者，係今次嘅額外折扣優惠害咗我... 響之前開始咗儲 迪士尼徽章 之後，我今次又買多咗幾個徽章返黎！不過唔緊要，還掂我原先都諗住會用兩條掛帶，一條專係用黎收藏，另一條就專係用黎同人交換。今次買咗呢幾個，都係 香港迪士尼樂園 獨有，係諗住到時響加洲 迪士尼樂園 同人交換嘅。
呢個七週年徽章，除咗香港獨有之外，外國人普遍認為「7」係一個幸運數字！到時候等我特別推銷一下先！我有信心呢個徽章應該可以成功同人交換嘅，哈哈！
呢個 魔法師米奇 就係俾我自己收藏嘅，睇開呢個Blog嘅朋友應該都知道我超鍾意 魔法師米奇。:)
唔得啊！我一定要應承自己，今年內唔可以再買咁多徽章！如果真係超靚的話，最多買多兩三個好啦！等到下年嘅 迷離莊園、加洲迪士尼之旅，先至再買啦...
沒有留言:
張貼留言