樂園事物仔細尋 - 詭墳學院的四大校訓...

好耐冇出過 樂園事物仔細尋 呢個分類嘅文章啦！今次終於有新發現同大家分享！其實之前都有一個小發現，不過就咁耐以黎都未影好相，所以遲啲先再同大家分享啦！而今次嘅小發現，就係同 迪士尼黑色世界2012 有關架喎！因為係響 詭墳學院 搵到嘅！

響 詭墳學院 嘅正門，無論係招牌上面，抑或係校徽旗幟上面，都可以見到有四大校訓。呢四個校訓分別係 FIDELIS、EXIMIETATE、ACCIPIO，以及係 RESPICIO。因為唔係英文黎嘅，所以見到嘅時候正常都唔會明白係咩意思；但我又成日唔記得返黎查下。

終於，當我今日寫緊故事嘅時候，突然醒起呢四條校訓，所以就即刻上網去查下。原來係拉丁文黎嘅！意思係 FIDELIS忠誠、EXIMIETATE美德、ACCIPIO探索、RESPICIO尊重。

唔知大家響進入 詭墳學院，響入學嘅時候，又有冇養成呢四種品行呢？不過我就覺得冇呢啲品好比較好啦...  除非你真係想留低，成為 詭墳校長 嘅學生啦...  我就唔想啦...