昨日萬聖節，都講到本身諗過去樂園玩最後一次嘅 黑色世界，不過最後冇去，其實我係有野要做... 我夜晚上完堂之後就過咗銅鑼灣，一出港鐵黎到時代廣場，竟然俾我見到 怪誕復活狗！我本身都知道呢到有裝飾，不過過咗咁耐都醒唔起，同埋亦都唔係有太大興趣。
現場仲有好多電影入面嘅角色，仲有 Sparky 嘅主人！( 我冇睇到套戲所以唔知佢叫咩名。>_< ) 因為我都比較趕時間，所以求其影兩張之後就走人；兩張相都有少少朦，唔好意思！
我本身都有諗過去睇呢套戲架，因為我一直都幾鍾意 添‧布頓 導演嘅電影，不過最後都冇去睇到。可能因為我睇完廣告之後覺得個故事一般，失去興趣... 如果你睇咗的話可以話我知好睇嗎？:)
沒有留言:
張貼留言