天氣轉冷, 快為 Duffy迪士尼小熊 穿上冬日毛衣套裝!

呢排天氣時冷時熱 ( 今日又熱返... )，有冇幫自己嘅 Duffy 著多件衫啊？記住唔好凍親佢喎！大家記得我之前介紹過嘅 Duffy 冬日毛衣套裝嗎？香港迪士尼樂園 已經推出咗呢套新服飾啦！

呢套服飾用咗藍色做主色，有兩件配件，分別係帽子以及毛衣，整套服飾上面有好多雪花圖案。

帽子嘅頂端有一個白色嘅毛毛球，亦有位置俾 Duffy 伸返對耳出黎，同時附有 Duffy 迷你招牌。

響毛衣上面，除咗雪花圖案之外，仲有一排排嘅 米奇 頭型圖案！( 不過就好似有啲走樣喎... )





呢件毛衣係長袖嘅，甚至可以完全覆蓋 Duffy 嘅雙手，不過我唔鍾意太長，所以幫佢摺返高少少。





上次講到，睡衣套裝冇咗 Duffy 背面嗰個標誌性嘅 米奇 頭型圖案，好彩呢件毛衣有加返！





最後就係每套衫都有嘅 迪士尼小熊 招牌！唔知點解又係由「Disney Parks」轉咗做「Disney」。







我嘅 Duffy 小熊著咗呢套冬日毛衣套裝之後，睇起上黎好暖笠笠啊！再凍啲嘅天氣都唔怕啦！
樂園入面再有新嘅 Duffy迪士尼小熊 商品登場，真係好開心啊！唔知今次又吸啊吸引到你呢？:)