夜空再遇 香港迪士尼樂園!

今年六月去東京嗰陣，因為航道並未有經過 香港迪士尼樂園 上空，所以冇得再次響空中遇見樂園...  剛剛呢次去曼谷，我本身冇太大盼望，反而就遇上驚喜！終於俾我響天空上面再遇我所愛嘅地方！因為係坐夜機，呢一次所睇到嘅仲要係樂園嘅夜景！一粒粒燈光閃下閃下，整個感覺好夢幻好靚！

我一直都覺得夜間嘅 迪士尼樂園 比起日間更加迷人，俾人可以更陶醉於樂園嘅故事世界裡面...  響空中欣賞整個樂園嘅夜景，又係另一種感覺...  可惜今次冇帶相機，用手機影嘅相好朦...

上年 東京迪士尼之旅2012，響空中遇上 香港迪士尼樂園，我就有對照返各個園內設施。

今次又等我根據燈色辨認出唔同嘅主題園區啦！話咁快就確認到七大園區嘅位置啦！

其實我覺得睇夜景反而仲易認，因為已經記得哂唔同建築物嘅燈光顏色，所以一睇就認得出！除咗園內設施，響空中同時可以見到渡假區裡面嘅其他地點，包括兩間 迪士尼 主題酒店！

香港迪士尼樂園 作為一個創造奇妙嘅地方，不論園內園外，都可以睇到好多奇妙嘅景象！坐響飛機上面，望出窗外，突然見到熟悉嘅樂園，係名副其實嘅「飛躍奇妙」！不過呢種機會真係可遇不可求...  唔係成日有...  唔知下次再響半空遇見樂園，會係日景抑或夜景呢？