2012 Winnie the Pooh 日曆簿!

我返黎啦！呢排就係愈黎愈多野做，不斷補習，不斷做功課，令到個人好累...  今日早上趁有時間，又再一次過送上之前想寫嘅文章，一共五篇！而為了避免之後嘅文章唔好再好似而家咁斷斷續續，我會響有時間嘅時候，一次過寫多幾篇Blog，然後設定時間制，令佢地響指定嘅時間自動發表！

好啦，返返去呢篇文章既正題先！其實我有一個幾得意嘅嗜好，就係儲筆記簿啦！有人會集郵，有人會儲明信片；哈哈，我就儲筆記簿。每逄見到好靚、好特別嘅筆記簿時，我就會買咗佢，好好收藏！而每年，我都會買一本 Schedule Book，代表一整年所經歷嘅事。

2012年好快就會來臨啦，上個禮拜，補完習去行下街，見到一本好靚嘅 Schedule Book，我就買左佢啦！事實上，樂園入面都有 Schedule Book 賣，我以前都係響入面買，不過呢兩年因為見到出面都有好靚嘅 Schedule Book，所以就冇響入面買。

而呢本 Winnie the Pooh Schedule Book，入面仲有唔同 Pooh 嘅圖畫！

上年嘅 Schedule Book 係咁既樣既...





再前幾年嘅就分別有 米奇、史迪仔，冇記錯應該係響樂園入面買嘅...