之前媽媽響網上團購，換了一張相片沖印優惠卷。於是，她就叫我揀相，俾我曬D相出黎留念。呢排，就著手揀下有邊D相係比較突出，可以放入相簿。樂園入面每個園區都會揀一部份既相，而當我揀 明日世界 既相既時候，發現揀左出黎既有好多都係響夜晚時影架喎！再睇仔細D，又真係發覺夜晚既 明日世界，的確滲透出一種獨一無二的時代感。就等我將某D上放上黎同大家分享一下啦！
入口的招牌配合背後 火箭餐廳 時尚既設計，將入夜後既 明日世界 ，變成一個色彩繽紛既國度。
火箭經已準備就緒，向黑夜進發！
太空飛碟 和遠處的 太空山，互相映襯。
UFO地帶，日以繼夜噴出令人身人爽透的水花！
飛越太空山 的招牌，入夜後閃亮著型格的光彩。
旁邊的 幸會史迪仔，依然顯示出 史迪仔 百厭的性格。
萬聖節的瑩光綠色，與平日的紫藍色，在不同時候的 太空山，都散發出獨有的氣質。你又喜歡它的哪一個造型呢？
沒有留言:
張貼留言