一句遲了些少的: 恭喜發財!

唉，真係唔知點解，假期既時間硬係過得特別快...  真係一眨眼，就已經黎到年初四既晚上，快要踏入年初五。之前幾日做左好多野，發生左好多事啊...  星期日入左樂園玩，大年初一就去左拜年，年初二就睇戲，年初三就響屋企溫書，今日年衫四早上就要補習，之後就去左唱K！

龍年黎左咁耐，都未有時間響到同大家講幾句祝賀語添...  在此，同各位講句 恭喜發財、身體健康、大吉大利、心想事成！而我就繼續向著自己既夢想進發！希望各位可以原諒我咁遲先講啦。>_<

講返果日入樂園啦，除左玩得開心之餘，更加收獲豐富，另外仲留意到幾個新發現添！之後既文章再會同大家分享 :)

至於大年初一既早上，其實一個最重要既環節，當然就係收利是啦！果日朝早，爸媽就送左利是俾我啦！不過唔係單單我一個有得收，連 Duffy家族 佢地都有份啊！

大家可能會留意到，Duffy家族 好似有新成果既出現喎！哈哈，當然係年廿九果日響樂園入面買架啦！下次既文章會再講多D關於佢地既事，我之後會儘量努力D寫 Blog 架啦！