星期五入樂園，原本都唔係好大雨，係毛毛雨，所以其實遮都唔洗開。正常地，下午三點半就會開始巡遊，我就同平時一樣，等待巡遊隊伍既出現。點知，就響巡遊開始前既15分鐘，突然下起大雨！仲時大時細，非常飄忽。我企響巡遊路線既最後，我睇唔到巡遊隊伍，亦聽唔到任何音樂。當我仲諗緊巡遊會唔會取消既時候，音樂響起啦！
巡遊冇取消，不過花車就行得比平常快，路線亦縮短左；當然，因為個地下濕哂，響咁危險既情況底下，演出者都冇跳舞。不過，就算要俾雨淋，每位演出者都依然面露笑容，向觀眾揮手。好佩服佢地既呢種精神，無論如何都要將最好的送俾賓客！
當最後一架花車都返到後台既時候，後台既大門亦隨之關閉。接著以來既，係一班來自眾多演藝人員既掌聲。佢地，化腐朽為神奇；亦令我再一次深深感受到，迪士尼樂園 既果種奇妙！以下係當日巡遊既一些照片，呢次的確係一個令我難忘既巡遊 ( 因為花車行得都比較快，相片可能有D朦，唔好意思！)
再一次向所有演藝人員同埋演出者講聲：「多謝你地！」
沒有留言:
張貼留言