回望過去 - 迪士尼樂園門票!

之前再重整過下啲迪士尼收藏品，又見返之前啲樂園門票。呢六年幾，樂園分別使用過不同嘅門票設計，大家又覺得邊款最靚呢？

2007年，呢款係我手上最舊款嘅門票設計，係07年3月3日嘅。不過我已經唔記得咗係唔係第一款設計啦，因為再舊啲既門票已經唔見咗...

2007年，呢款設計同上面嘅果款大同小異，只係 米奇 立體化咗。呢張門票上印住嘅日期係07年9月12日，亦即係樂園嘅兩歲生日！我自己都醒唔起響樂園生日嘅時候有入過去玩，哈哈！

2007年 - 2011年，呢套設計之前已經用咗好多年啦！響迪士尼朋友背後，就係香港維港既夜境。將四款不同款式既門票連上，就可以見到整個維港既景色！呢套亦係我最鍾意既門票設計黎架。

2011年，迪士尼樂園五週年 飛躍奇妙 響2011年舉行，而樂園門票都換上新款！不過因為有左 奇妙處處通 會員卡既關係，想儲到呢套門票都有D難...原本一套四款既款式，我只係儲到三款，冇左 魔法師米奇...

2012年，慶祝 反斗奇兵大本營 開幕，門票再次換上新設計。以 反斗奇兵 既角色為主題，分別有 胡迪、翠絲、抱抱龍、彈弓狗。不過都係因為有會員卡，到而家都未儲到任何一款...