今日係情人節，我就仲未有情人，冇得享受呢個咁浪漫既節日。不過，都想趁呢個機會，講下我同 迪士尼樂園 之間既「愛情」故事。響 香港迪士尼樂園 開幕之前，我細個既時候，分別去過東京以及巴黎既樂園。小朋友，最鍾意既當然係玩啦，所以鍾意去樂園，都只係為左玩... 不過響聽到 香港迪士尼 即將開幕，都真係幾興奮架！
記得我第一次去 香港迪士尼樂園，係2005年8月31日。因為有綵排既門票，所以就同表姐去玩啦。但係果日好多人，唔係玩左好多野咋。
之後既日子，迪士尼 就不停巧合地進入我既生命，先後有不同機會再入樂園玩。到 全年通行證 既出現，亦都係一次巧合，表姐送左一張俾我，進一步拉近我同迪士尼既距離。每一年，都有繼續續證，再去到 奇妙處處通 既誕生，黎到而家。每逄學校有假期，我都會入樂園玩，慢慢就愛上左迪士尼樂園。
我諗，我愛上 迪士尼樂園，有兩個原因。(一)，樂園入面，所有野就好似完美一樣；每個人都充滿笑容，令人忘記所有煩惱。(二)，我自己係一個充滿夢想既人，而樂園就好似給予我一個盼望，讓我重拾夢想。希望，我與 迪士尼樂園 既呢一份情誼，可以響未來永遠延續落去啦！
最後，以下呢篇係由我自己既一份藝術功課入面拎出黎既。就係好簡略咁講左我對 迪士尼樂園 既果份情懷。有機會的話，再將整份功課放上黎同大家分享啦！
沒有留言:
張貼留言