上次同大家分享過我架 迪士尼線列車模型，今次就有另一樣特別收藏品。就係郵票啦！以下呢張係2005年樂園開幕時，香港郵政 推出嘅紀念郵票。呢張 $5 嘅郵票，除了有整個樂園嘅圖畫之外，仲有我最愛既米奇造型 - 神奇魔法師！
我自己細個嘅時候，曾經有過集郵嘅習慣，所以先有儲到呢啲郵票咋！而當時用既集郵簿仲係用 米奇家族 做主題添！
另外，2005年亦同時推出一套四款，以樂園主題區域構成嘅紀念郵票。( 右邊 ) 而早響2003年，樂園仍未開幕嘅時候，都已經推出過類似嘅一套郵票。( 左邊 )
2003年嘅郵票，亦配上了樂園標誌同埋傳統米奇造型。
冇記錯的話，其他地區嘅 迪士尼主題樂園，都有賣郵票同明信片，俾到訪嘅實客寄出，送俾朋友又或者寄返俾自己做留念，郵截 仲好似係樂園獨有的！但係唔知點解我地香港冇呢個服務... 今次去日本，去睇下樂園入面有冇先，寄返張俾自己都幾好！
沒有留言:
張貼留言