日本! 迪士尼海洋! Duffy迪士尼小熊!

好興奮啊！好期待啊！平時講呢兩個字，都係講緊即將開幕既 灰熊山谷。但今次唔係，今次係講 日本東京迪士尼海洋！因為如無意外，考完試之後，我同爸爸媽媽，仲有 Duffy，就會去日本旅行！( 希望唔會泡湯啦，雖然正常都唔會。不過我都唔希望最後要刪除返呢個分類 >_< )

細個既時候，東京迪士尼海洋 同埋 東京迪士尼樂園 都去過，不過已經冇哂記憶啦...  其他我今次係想去 迪士尼樂園 多過 迪士尼海洋，因為好似多D野玩。不過我心愛既 迪士尼小熊Duffy 係 迪士尼海洋 先有，咁只好選擇海洋呢邊啦！呢幾日已經不斷睇下 迪士尼海洋 個網站，發現佢地有一個新既 Duffy 巡遊！亦都有特別以 Duffy 為主題既舞台劇，之前都響網上見過啲相，不過而家先知係舞台劇。

睇黎，好似仲有 Duffy 花園喎！佈置得好靚啊！

東京迪士尼海洋 作為 Duffy迪士尼小熊 既發源地，當然仲有好多 Duffy 產品啦！不但有獨有產品，仲有 Duffy 既女朋友仔 ShellieyMay，究竟買唔買俾佢好呢？東京迪士尼海洋 仲有好多佢地兩個好靚既相啊！

樂園入面除了 Duffy，亦有不同刺激既遊樂設施，好想玩啊！

其實，我咁大個仔，都未試過入住 迪士尼酒店 架，就連 香港 既兩間都冇。媽媽話有可能會住渡假區入面既 迪士尼酒店，俾我如願以償喎！係既話我就開心死啦！不過佢都話係「有可能」咋！唔好咁肯定！我都明白 迪士尼酒店 價錢通常都係比較貴，唔入去住都能夠理解。對上兩次去日本係2010年，仲要明明去到樂園門口都冇入到去，所以今次有得俾我見 Duffy，我已經好開心！真係住酒店的話可以話係喜出望外！不過，我有啲擔心，我會買 Duffy 啲野買到冇哂錢啊！XD