呢排多了有關 灰熊山谷 嘅報導，呢個新園區應該響七月就會開幕啦！呢個園區，比起 反斗奇兵大本營，我更加有興趣。因為佢好似大好多，同埋有過山車玩！( 其實 沖天搖控車 算唔算 過山車? )
佢由一塊平地，慢慢發展到今日，真係等到頸都長。不過見到佢不斷成長，少不免都有啲感動；而且，成日去偷睇佢嘅工程進度，都可以話係一件賞心樂事！XD
而家要等嘅，就只係佢嘅開幕倒數，唔知今次個倒數牌又會係咩樣嘅呢？樂園今個禮拜有招聘會，想成為演藝人員嘅我，都仲未夠膽去見工，唔係因為驚要面試，而係驚咁早去見，成功取錄的話，會同日本旅行撞期！另一方面，我又要諗做全職定兼職好，因為九月開學的話，每論係上大學定其他課程，時間會唔會變得好難遷就？總之就好多野要諗！
但點都好，聽聞新樂園指南已經印有 灰熊山谷 嘅園區地圖！所以，又要入一入樂園拎了！
沒有留言:
張貼留言