去完旅行返黎都未入過樂園玩添... 本身諗住上星期二去，點知打風，所以冇去到。之後又諗24號定29號去好... 點知樂園突然公佈 米奇水花巡遊 會響6月29號重新出動！咁當然諗都唔洗諗，揀29號先去啦！
冇見兩年嘅 米奇水花巡遊 終於都返黎啦！上次見佢已經係2010年嘅事，搞到我都有啲掛住佢。響網上搵咗一陣先搵到以下呢一張官方圖片。
幾年前啲相唔知Save咗響邊，搵唔返。所以我而家一張 米奇水花巡遊 嘅相都冇... 有關呢個巡遊嘅野，屋企只剩下幾份樂園指南同埋時間表。
但係呢個巡遊通常都係拍住夏日活動一齊推出架喎... 今次只係出佢，會唔會意味今年會因為 灰熊山谷 開幕而冇咗夏日活動？
不過點都好，今個星期五入去，仲要拎埋上次未拎到嘅兩張貼紙！XD 唔知有冇朋友同我一樣，星期五會去睇今年第一場嘅 米奇水花巡遊 呢？
沒有留言:
張貼留言