呢篇文章其實好早之前已經想同大家分享，但係成日都唔記得影相！之前終於襯冇咩人嘅時候影低咗落黎啦！平時去玩「小小世界」，玩之前同玩之後你玩留意到啲咩呢？玩之前，通常都會俾「小小世界」華麗嘅外型吸引住，之後就自自然走入去玩。至於玩完啦，行到出黎，又會見到一間細小嘅雪糕屋，聞到香噴噴嘅窩夫味... 但係你又有冇留意到廣場之中嘅裝潢呢？
響廣場中心，有一個碑，記錄了「小小世界」開幕嘅一刻。
但係今次想講嘅並唔係呢樣，而係地面。地面嘅設計往往都好容易被忽略，畢竟我地行路時都唔會望住地面黎行。「小小世界」2008年開幕，過咗咁多年，我都係上年年尾先留意到。=_=
廣場嘅地面原來係一朵花黎嘅！但係佢唔單單係一朵花，八朵花瓣指向八個方向，尖端仲有鋼版，刻有呢個方向有咩城市，同埋離我地幾遠。
果然貫徹了「小小世界」嘅意義，將世界不同嘅地方連在一起！我睇哂八朵花瓣，有幾個地方我都有去過旅行！大家都可以去望一望，睇下搵唔搵到一啲自己所熟悉嘅城市 :)
沒有留言:
張貼留言