樂園事物仔細尋 - 小蜜蜂嗡嗡嗡

好耐冇出過 樂園事物仔細尋 呢個系列啦！其實樂園入面嘅野有好多都好細緻同有趣，不過就真係好睇你發唔發現到...  今次呢個小發現，係我響睇緊 迪士尼飛天巡遊 期間無意中發現架！並且出現響我愛嘅 小熊維尼 架花車上面！大家睇標題，都應該估到係關於咩架啦...

轉一轉另一個角度俾大家睇下先！

好啦，放大啦喎！噢！唔好意思，太鍾意佢，放大咗落 Pooh 到添！

轉返去小蜜蜂到啦！蜜糖罐個邊邊位佈滿咗甜美嘅蜜糖，亦吸引咗一班小蜜蜂埋黎啊！

另一邊都有一隻，好得意！

上次入園都仲有一個新嘅小發現，以及終於影低咗一個想講好耐嘅小發現。下次再同大家分享！