七年後, 重遊海洋公園...

其實響我個Blog入面，正常都唔會出現有關海洋公園嘅野...因為我個人黎講唔係咁鍾意海洋公園，所以對佢都冇咩興趣。不過星期一同朋友去完海洋公園，就講下啦。

自從 香港迪士尼樂園 開咗之後，我都冇去過海洋公園。所以話咁快，就已經過咗七年啦...  亦即係我上一次去嘅時候只係得十歲，真係懷念細個嘅日子。過咗七個年頭，海洋公園嘅重建計劃都就黎完成，今次黎都已經面目全非。

剛剛開咗幾個月嘅香港老大街。

今次去，主要都係玩機動遊戲，所以唔係影咗好多相。

咁點解我會唔係咁鍾意海洋公園呢？係因為我覺得海洋公園係偏向跟 迪士尼樂園，其實 迪士尼 係全球最成功嘅主題樂園，俾人跟都係無可厚非。但有時候就覺得海洋公園跟得太明顯...

海洋公園本身只可以話係一個遊樂場，近年卻不斷希望變身成主題樂園，所以就開始參考 迪士尼。今次去完，都睇得出佢真係好想將自己升級為主題樂園，不過我覺得有一樣野係比較大問題，就係佢分區唔太清晰。

主題樂園其中一個最重要嘅就係主題區域，不過我覺得海洋公園響呢方面就做得唔太好...  我諗，我都係比較適合去返我愛嘅 迪士尼 啦。