為期八日嘅日本旅行終於都完滿結束啦！剛剛響夜晚十點鐘落機。多謝咁多位網友響我地去之前送上祝福，我同三隻 Duffy 都玩得好開心啊！為了答謝大家嘅支持，我一定會努力寫Blog，講述今次旅行所發生嘅事！
同 Duffy 佢地由機場返到屋企... 不過三隻去，就唔止三隻返啦！原本拎咗 大Duffy、小Duffy，同埋 迷你Duffy 去，剩返 巨大Duffy 留響屋企。但係返黎嘅時候，就多咗五位新成員啦！
之前得四隻，好容易分：巨大、大、小、迷你。而家多咗五隻，又要再諗下可以點樣叫佢地... 不過點都好，都好開心，我地嘅 Duffy迪士尼小熊家族 可以擴大！
上一篇文章講到，我會將今次旅行分為五個分類。我會慢慢將逐樣有趣嘅事寫出黎，同大家分享一啲有趣嘅事，希望大家會有興趣睇啦！
沒有留言:
張貼留言