睇下 Duffy 佢地，拎定Passport，準備出發喎！佢地一定好興奮啦，因為我地好快就好似Passport上所顯示咁，飛去日本啦！
事實上，我係唔會俾佢地拎本Passport嘅。因為實在太大本啦，唔係咁方便。不過，條掛繩就會拎去，我仲特別換咗之前 全年通行證 個門票膠套，諗住去 東京迪士尼 嘅時候可以裝起啲門票同 Fastpass。
但係，究竟點解我個行李箱會咁多野。因為裝我啲衫之餘，仲要裝埋佢地兩個啲衫啊！( 根本佢地兩個啲衫可以有幾大丫，係我啲野多，響到屈佢地 XD )
佢地原本係咁著嘅，旅程期間都應該唔會同佢地換衫。
但係要入樂園玩的話，就梗係要佢地用最靚仔嘅樣黎示人啦！我揀衫嘅時候，除咗靚之餘，仲特別揀啲日本冇出嘅衫，令佢地到時可以與別不同，成為焦點，哈哈！
大Duffy，我就幫佢揀咗 飛機師套裝，再配上 休閒套裝 嘅鞋同褲。
型仔之餘，呢件衫嗰邊係冇推出過架！
至於 小Duffy，我就幫佢揀咗 魔法師套裝。
雖然佢地之前 東京迪士尼海洋 十週年 都有推出 魔法師套裝，不過佢地嗰款色彩係鮮艷啲，都幾靚，我地呢款就跟返 米奇 版本。套衫可能差唔多，不過我地頂帽可以閃燈，應該會更具吸引力！( 套衫本身係俾 中型Duffy，我俾咗 小Duffy 著，但效果都唔錯。)
好啦，要去訓覺啦，聽朝要早起身 0_0！爸爸買咗日本3G卡，去到都可以上網，我會繼續覆回應架！至於寫Blog呢，就返黎先再同大家分享響日本嘅所見所聞啦！:)
沒有留言:
張貼留言