今年四月至六月，東京迪士尼樂園 舉行咗特別活動 迪士尼奇幻復活節。響活動期間，園內各處都放咗一啲 迪士尼朋友 造型復活蛋！雖然我就冇影哂咁多隻，不過都俾大家睇下啦！其實響其他文章內嘅部份相片都可以搵到呢啲復活蛋，所以大家都可以留意一下架。
卡通城 ─ 米奇、米妮
夢幻樂園 ─ 七個小矮人
( 呢到係香港都有嘅 白雪公主許願洞，佢地將原本嘅雕像換咗做復活蛋 )
夢幻樂園 ─ 皮諾丘、占美尼
( 占美尼 嗰隻特別細隻，配合返蟋蟀嘅太小，好得意！)
明日樂園 ─ 閃電王麥坤、哨牙嘜
明日樂園 ─ 綠色小人
探險樂園 ─ 史迪仔
探險樂園 ─ 小姐與流氓
西部樂園 ─ 西部裝唐老鴨
西部樂園 ─ ( 我唔識佢地三個，請問有冇人識呢... >_< )
響 迪士尼奇幻復活節 期間，樂園更加舉辦尋蛋活動。分兩個級別，一個係普通級，另一個係進階級，參加費用分別係500同埋1000日元。我本身想玩埋進階，但時間唔夠... 以下係普通級嘅尋蛋指南。
指南入面顯示咗園內所有復活蛋嘅位置，不過就唔會話你知係邊啲 迪士尼朋友。
玩法就係俾五張 迪士尼朋友 復活蛋造型貼紙，你要搵出佢地嘅位置，再貼落指南入面。
玩完活動就可以去拎獎品，獎品就係呢隻蛋啦，入面有啲小佩件。
因為入面啲佩件有唔同款式，所以換禮物時佢會俾幾隻你抽一隻。以下呢個就係原本包住隻蛋嘅包裝紙。
隻復活蛋入面有啲以復活節做主題嘅小貼紙，同埋有一個小復活蛋掛飾。
掛繩上面仲印有 迪士尼奇幻復活節 嘅活動標誌！
復活蛋掛飾嘅背後都有呢個標誌，色彩繽紛，好靚！
後尾我睇返個尋蛋指南，原來我抽到嘅呢隻係特別版黎架！我真係好運！
呢種小遊戲真係好過癮！有樂趣之餘，又可以慫恿自己留意一下樂園入嘅細節！我隱約記得細個去 東京迪士尼海洋 嘅時候都有差唔多嘅活動，估唔到維持咗咁多年！希望 香港迪士尼樂園 遲啲都可以推出一啲差唔多嘅活動啦！
沒有留言:
張貼留言