大家都應該知道我呢排成日都去唔同嘅園區睇煙花，睇下同平時有咩唔同。上次試咗響 灰熊山谷 入面睇，但就發現原來 灰熊山谷 入面係睇唔到煙花嘅。今次就輪到 反斗奇兵大本營 啦，響正煙花發射區旁邊，冇理由睇唔到掛... 響呢個園區入面睇，配合住周圍嘅玩具，以及係木條同埋懸掛住嘅燈飾，個感覺就好似一班玩具響後花園開派對，仲有煙花贈慶添！
放完煙花，臨走前都再影下相先；響呢一刻，園區內冇咩人，缺少咗平時嘅嗰種熱鬧氣氛。
最後，送一張相俾大家！我將佢命名為「月光下的黑暗大宅」！
好啦，而家就只係剩低 探險世界 啦，唔知響入面睇煙花，會唔會特別有森林派對嘅感覺呢？
沒有留言:
張貼留言