細看辛巴達的傳奇航海之旅!

上回提要：阿拉伯海岸 入面有一個遊樂設施以阿拉伯冒險故事為主題。而呢個故事就係關係航海家辛巴達嘅，名為 辛巴達傳奇之旅 Sindbad's Storybook Voyage。

入口周邊有一啲旗幟，畫上咗 辛巴達 同埋佢嘅寵物 老虎Chandu。

至於等待區內亦放咗一啲有關辛巴達故事場景嘅壁畫。

其實，我覺得呢個遊樂設施好似 小小世界，只係場景由世界各地，變成辛巴達嘅故事。

再加上，辛巴達傳奇之旅 嘅船隻同 小小世界 嗰啲都好似樣！

入面嘅場景，包括有馴服巨鳥、對付魔怪、到訪皇宮等等。順帶一提，呢個遊樂設施同 東京迪士尼樂園 嘅 小小世界 一樣，都係整到好似真係響海到航行。

估唔到響呢到，神勇嘅航海家辛巴達亦好有音樂才華，響旅程途中，不斷唱歌；響其中一個場景，更加可以見到佢打鼓添！

去到旅程嘅尾聲，辛巴達拎住好多食物、寶藏，滿載而歸；連 老虎Chandu 都好開心喎！

我響初中嘅時候都睇過 天方夜譚 呢本故事書，其中一個故事就係關於辛巴達架啦；但其實黎到今時今日，實際故事情節我已經唔太記得，只係隱約記得某些情節。但呢到響短短十分鐘就能夠帶你睇哂整個辛巴達嘅故事，好特別，而且啲佈置仲整得好靚添！