對上一次入樂園玩嘅時候係8月6日，過咗兩星期，昨日入去嘅時候，發現有啲小變化喎！( 呢個Blog開始慢慢多返啲關於 香港迪士尼樂園 嘅文章，大家會唔會唔慣？千祈唔好啊，因為 東京迪士尼之旅2012 嗰啲真係就黎講完，我都好唔捨得 >_< )
第一個小變化相信係比較矚目嘅一個，就係 美國小鎮大街 嘅新商店啦！之前已經露出天幕部份，而剩下嘅圍板亦終於拆埋啦！原來佢叫做 Victorian Collection！
以後能夠經過呢間新商店來往 百貨店 同埋 大街糖果店，相信一定會方便好多！
曾經，我覺得個天幕同周邊建築物好似唔係好夾；但見到整間商店嘅外型之後，好似好睇咗！事實上，響大街上步行的話，呢間商店都唔係好突出，行到好近先會顯眼啲。
另外，雖然 灰熊山谷 只係開幕冇幾耐，但都有繼續加新裝飾架！昨日就發現新加咗一個 灰熊山瞭望站 嘅牌，上面印有關於 灰熊山 各項景物嘅資料。咁樣就可以令一啲新黎到 灰熊山谷 嘅遊客更加了解到呢個小鎮嘅歷史同特點啦！
迷離莊園 係三個擴建園區之中最遲開幕嘅一個，其實亦係我最感興趣嘅一個，值得我繼續關注！而家每當我入樂園，總會行下經過 迷離莊園 嘅小路，睇下 迷離大宅 以及其他設施有咩新進展。今次入去，雖然大宅好似冇咩大改變，但周圍建築物就開始慢慢拆除帆布。( 冇影到相，抱歉！)
雖然 灰熊山谷 只係開咗一個月左右，但我真係好期待下年春季開幕嘅 迷離莊園！只好繼續靜候...
沒有留言:
張貼留言