又有新樂園指南登場啦，今次嘅封面設計更加用咗 灰熊山 黎做背景！講起山，迪士尼主題公園 就有三座經典山峰，太空山、飛濺山，以及係 巨雷山。香港就冇 巨雷山，不過就有獨有嘅 灰熊山；睇返以前嘅樂園印刷品，原來呢三座山都有出現過！
今次推出新一期嘅樂園指南，主要原因係 美國小鎮大街 新商店開幕，以及係 米奇水花巡遊 落幕。而繼續配合 灰熊山谷 開幕熱潮，就搵咗西部裝 米奇 做封面主角，同時亦首次出現 灰熊山。
除咗以上提及到嘅兩個原因之外，仔細睇一睇，今期樂園指南亦新增 迪士尼快速通行卡 嘅介紹。另外，我之前自製樂園指南嘅時候，就更新咗 灰熊山谷 急救站嘅資訊，今次官方終於作出更新。
講返 迪士尼 山峰先，響今年 迪士尼星級款待 活動期間，樂園指南就一度出現過 太空山。
至於 飛濺山，假如你有興趣想要的話，而家都仲可以拎到架！因為正正就響近期嘅時間表上出現。
其實，能夠響樂園印刷品上見到樂園入面不同嘅遊樂設施的話，都幾開心，幾有親切感架！不過我始終都好希望，唔好只係響時間表上見到 飛濺山，而係可以有真實嘅一座響樂園入面！
沒有留言:
張貼留言