黎到第六個主題園區啦，亦即係只係得返最後一個主題園區未介紹啦！言歸正傳先，呢個園區可以話係海洋版本嘅 探險世界；叫做 失落河三角洲 Lost River Delta；面積都幾大，不過遊樂設施就唔多，但啲遊樂設施都係正野黎架！一開始進入呢個園區，就可以見到遠處嘅神殿，係 印第安納瓊斯冒險旅程 嘅場景黎架！
園區入口附近，仲可以見到一架失事嘅飛機，突顯出呢個園區嘅神秘感...
除咗以上提及過嘅重點遊樂設施 印第安納瓊斯冒險旅程 之外，呢到亦有另一個重點遊樂設施；佢叫做 忿怒雙神 Raging Spirits，係一個設計到穿梭於古廟之間嘅過山車黎嘅。呢個過山車更加包含360度迴旋，好刺激架！所以入口都設有多個告示牌提醒乘客。
睇下個古廟設計得幾像真，感覺好正啊！我相信響過山車上面睇會仲正啊！可惜到訪當日冇玩，不過今次終於唔關唔夠時間事，而係佢暫停開放。響我地到訪之前嘅幾個星期前發生過小意外，為確保安全，呢個遊樂設施就需要進行詳細檢查啦。
咁大個主題園區，冇理由得兩個遊樂設施嘅，呢到亦有 迪士尼海洋渡輪航線 碼頭；另外仲有兩個 迪士尼朋友拍照區，而其中一個就可以搵到 米奇、米妮，同埋 高飛。
拍照區嘅門口仲泊咗 米奇 架探險車響到。嘩！灰塵滿佈！睇黎佢地已經探險咗好一段時間喎！
呢個園區嘅 印第安納瓊斯冒險旅程 都係重點遊樂設施，所以又係要請大家等一下啦... 不過唔緊要，今次我會改少少次序，重點遊樂設施唔會放到最後先講，好快就到佢地架啦！>_<
沒有留言:
張貼留言