唔知大家平時係點樣入樂園嘅呢？相信大部份朋友都同我一樣，係搭 港鐵 入去架啦！一年去咁多次 香港迪士尼樂園，呢條路程已經慢慢變得非常熟悉，亦唔會覺得有咩特別... 而響9月2日嘅呢一日，雖然係沿住熟悉嘅路程進發，但係感覺就好唔同...
同樣係坐 迪士尼線，但係出站後，就唔係行過去樂園嗰邊，而係走向公共運輸交匯處。
今次其實係我第一次坐呢啲穿梭巴士！巴士車身上貼有兩個新園區嘅圖案，好靚啊！
巴士先響 香港迪士尼樂園酒店 停一停俾其他賓客落車，之後好快就黎到 迪士尼好萊塢酒店 啦！
我地沿住長廊慢慢行近酒店；響路邊更加有啲木椅，用咗 米奇 頭型黎設計架！
終於黎到 迪士尼好萊塢酒店 嘅門口啦！一次奇妙嘅體驗亦正式展開序幕！
沒有留言:
張貼留言