其實我原先都唔記得咗自己幾時開始寫Blog，剩係記得應該係 迪士尼黑色世界2011 完咗無耐。之前睇返呢個Blog嘅第一篇文章，原來係響2011年11月3日！即係聽日就已經係一週年啦！我今次唔講咁多感性嘅說話啦，因為之前300篇文章嗰陣都講過啦，我今次選擇做另一啲野。不過，都再向各位網友講多聲「多謝支持！」，因為冇你地睇嘅話，我真係唔會有動力寫落去。
大家剛剛一入黎Tho's Dreams嘅時候應該又發現我轉返上次嘅主題圖片，今次係一週年特別版！同時間，響右邊又有新欄目出現！而響呢個欄目入面就係三篇將會發表嘅一週年專題文章。而家Click應該會顯示錯誤，因為嗰三篇文章都仲未發表，我已經設定好時間，響聽日正式發表。
嗰三篇文章都係回顧文章黎，分別回顧Blog主題圖片，東京迪士尼 同埋 香港迪士尼 嘅相片。點解會揀用相片黎慶祝我個Blog嘅一週年呢？因為原先我開呢個Blog都想同大家分享下相片；另一方面，每一張相片都包含獨特嘅故事，包含相中事物嘅故事，亦包含屬於我自己嘅故事。有部份相片可能之前已經放過響不同文章入面，但係一張漂亮嘅相片，都值得我地再三回味丫！
佢地將會響聽日17:21、17:50、21:23發表，即係上年11月3日頭三篇文章嘅發表時間，以表紀念。假如你有興趣的話，歡迎你聽日準時返黎睇呢三篇文章，同我一齊慶祝Tho's Dreams嘅一週年！
沒有留言:
張貼留言