之前講到，過咗星期六，我就會多返啲空閒時間，可以確保 Tho's Dreams 唔會再低產量；其實係因為我嘅演藝人員合約到期啦，唔洗返工，自然就多返時間做其他野，包括寫Blog。估唔到咁快就過咗三個月，雖然時間過得好快，但響呢三個月間的確學習、見識到好多野！好感激同事們一直以來嘅教導、照顧，亦好慶幸可以響鋪頭、迪士尼大學 識到一班好朋友！
成為演藝人員之前已經知道要做好呢個角色並唔容易，要為所有人帶來奇妙，的確並不簡單。但係能夠實現自己嘅夢想，將 迪士尼 嘅奇妙感覺分享俾不同嘅賓客，真係好開心好滿足！不過，追尋夢想之路並未就此完結，期望之後會有機會，俾我可以用其他方式再次散播奇妙！響再有機會之前，呢段期間，就等我用返Fans嘅身份，繼續默默支持 香港迪士尼樂園 啦！
沒有留言:
張貼留言