復活「熊」要破蛋而出了!

復活節就到啦！大家準備好過一個開開心心嘅復活節未呢？或者可以搵以下呢隻 Duffy 陪伴你呢！全新嘅 Duffy迪士尼小熊 復活節造型毛公仔，經已登陸 香港迪士尼樂園！又係時候入一入園啦！

咦！呢到有隻復活蛋喎！上面有不同顏色，亦有 米奇 頭型圖案，幾得意喎！唔知入面有啲咩呢？

破蛋而出啦！原來係一隻復活節小雞！佢啱啱出世，一雙眼睛朦朦朧朧，好似未訓醒咁，哈！

睇真啲，原來唔係小雞，係一隻復活「熊」響到扮緊小雞！佢就係我地熟悉嘅 Duffy迪士尼小熊！

一隻 Duffy 小熊毛公仔又點少得 Duffy迪士尼小熊 招牌，以及一本故事冊呢？今次當然亦唔例外！

尋日我特別帶埋家中嘅 小Duffy 入去樂園，等佢可以同我一齊去搵呢隻新細佬，帶佢返屋企！

小Duffy 都想入去復活蛋裡面玩呢！但係佢太大隻，隻蛋裝唔落，都係俾返細佬入去啦，哈哈！

今次呢隻復活節造型 Duffy 可以收埋響復活蛋入面，好搞笑！相信好快又會被Fans們一掃而空！而家已經係第17隻 Duffy迪士尼小熊 加入我地嘅 Duffy家族 啦，我地嘅家族繼續不斷壯大起黎呢！唔知下一隻又會係點嘅呢？會係咩造型呢？不過可以肯定嘅係，佢一定都會係一隻好可愛嘅小熊！