東京迪士尼之旅2014: 啟程前往探索魔幻奇妙!

2014年6月14日，終於，期待已久嘅 東京迪士尼之旅2014 要啟航啦！因為今次係坐凌晨機嘅關係，所以而家我已經響機場等緊上機啦！我呢一刻嘅心情興奮得黎又緊張，話哂都係第一次自己去旅行嘛！不同嘅魔幻奇妙正在等待我去發掘，我相信，今次必然會係充滿驚喜嘅春日旅程！

尋日嘅較早時間，我同自己嘅 Duffy迪士尼小熊 已經執好哂行李，準備出發！佢又有得去東京，返去自己嘅家鄉，睇黎佢都覺得好開心！過往我都會為旅程製作行李牌，掛響自己嘅行李箱上面，而今次嘅行李牌就註明「東京迪士尼之旅2014: 探索魔幻奇妙」！

經過最後十五日倒數，轉眼間就黎到出發嘅呢一日；配合 東京迪士尼之旅2014 正式啟航，Tho's Dreams 都換上全新背景，以「迪士尼復活節」同埋「米奇和Duffy的春日巡航」作為主題。接著落黎，就等我同大家重溫一下過去十五日嘅倒數圖片啦！

倒數15日：東京迪士尼樂園 全新復活節巡遊 Hippity Hoppity Springtime，蹦蹦跳跳慶祝復活節！

倒數14日：在 東京迪士尼樂園 各處尋覓趣緻的復活蛋與及可愛的小兔！

倒數13日：帶同自己的 Duffy迪士尼小熊，在 東京迪士尼海洋 展開休悠的春日巡航！

倒數12日：微風吹過，花兒綻放，在 東京迪士尼海洋 感受悠然的春日氣息！

倒數11日：幸運的兔子登陸 東京迪士尼海洋，前往 Oswald 的農莊探訪他吧！

倒數10日：東京迪士尼渡假區 群星薈集，逐一與各位 迪士尼朋友 拍照，收集他們的獨特簽名吧！

倒數9日：在園內各間餐廳，一邊欣賞美景，一邊享用美味的佳餚！

倒數8日：多款精緻的主題紀念商品，為奇妙的旅程留下美好回憶！

倒數7日：入住 東京迪士尼樂園酒店，在華麗的客房遠眺樂園，仿如置身在夢幻的國度...

倒數6日：東京迪士尼海洋海景酒店 春日巡航主題客房，與 Duffy 在房內休息，渡過舒適的晚上！

倒數5日：在 迪士尼大使酒店 享用豐富的自助晚餐，期間，或許會遇上 廚師米奇 呢！

倒數4日：在 東京迪士尼海洋 乘坐蒸汽船，出發前往未知的國度！

倒數3日：東京迪士尼樂園 夜間電子巡遊 夢之光，揮動魔法棒照亮夜空！

倒數2日：東京迪士尼樂園 全新城堡投影表演 Once Upon A Time，讓黑夜變得不再一樣！

倒數1日：魔幻奇妙之旅即將啟航，與 Duffy迪士尼小熊 體驗非一般的春日旅程吧！

上年我去日本嘅時候，就曾經採用過即時更新嘅方式，分享我響旅程中所遇到嘅事物；今年 東京迪士尼之旅2014，都會再次使用同樣嘅模式，將最新嘅旅程資訊話俾大家知！整個旅程期間，Tho's Dreams 網誌、專頁都會不定時作出更新，請大家繼續留意，魔幻奇妙將會在此散播！;)