近期不論係響 Tho's Dreams 網誌抑或專頁，都出現咗一個寫住「T20」嘅標誌，感覺好似好神秘咁，究竟係咩黎呢？黎到今日終於要揭盅啦！2014年9月3日，響到要祝我自己20歲生日快樂！冇錯，「T20」正正就係「Thomas 20歲」嘅意思！
不過「T20」並唔係剩係慶祝自己生日咁簡單，因為我今年決定送一份非常特別嘅生日禮物俾自己：東京迪士尼渡假區 全年通行證！響我20歲嘅呢一年，我打算響不同季節都會去到東京旅行，所以「T20」其實係一個貫穿一整年嘅特別計劃！
而「T20」年度計劃嘅首航會響我生日嘅呢一日正式開始！我將會一個人出發去到東京體驗佢地嘅萬聖節活動！因為今次係我第一次嘗試自己一個人去旅行，所以我設計「T20」標記以及網誌介面嘅時候，都特別選用型格路線，代表成長、突破。
咁 東京迪士尼渡假區 作為一個充滿歡樂嘅夢幻國度，所以我都特別為「T20」年度計劃定咗一個匹配嘅主題「快樂.由我而定」"Happiness is all around me"；一如以往，我都有製作一個旅程主題行李牌，我相信，快樂將會響整個旅程期間伴隨著我！
雖然話就話自己一個人去旅行，但係我並不孤單，因為有 Duffy 陪著我嘛！每次旅程我都會帶一隻 Duffy小熊 陪我，而今次有得去旅行嘅係：來自 香港迪士尼樂園 嘅 Duffy小熊！響2012年佢已經去過 東京迪士尼渡假區 玩，唔知今次佢又期唔期待呢？
呢一刻，我已經響機場等待上機啦！再一次可以到訪 東京迪士尼渡假區，仲要係第一次自己去旅行，第一次體驗嗰邊嘅萬聖節活動，第一次響海外過生日... 總之就有好多新嘅嘗試，好興奮啊！旅程期間，敬請留意 Tho's Dreams 專頁嘅即時更新！;)
好勁呀……support u... Happy Birthday
回覆刪除多謝你! 今次玩得好開心! :)
刪除生日快樂呀!!希望你起國外可以從迪士尼感受到開心快樂, 亦都要分享快樂比大家呀!^^
回覆刪除多謝! 去到自己鍾意嘅地方真係好開心!
刪除哇，你好有米呀！打算唔同季節都去。
回覆刪除我都好掛住tds，而家多唔多人呀？你排duffy 排左幾耐？
上次去，我覺得最失敗係tdl，玩得幾樣野就走，pooh 和毛毛，都玩唔到。>< 教下我 ：p
唔有米架, 係自己慢慢返工儲錢咋!
刪除不過可以將搵返黎嘅錢花響自己鍾意嘅地方到, 係值得嘅!
而家唔算多人, 但亦唔係最少人, Duffy都要排一個鐘...
我今次去TDL都冇咩玩ride, 主要係睇show同埋影下相咁
如果你係一早就去到TDL嘅話, 我會建議即刻衝去玩怪獸公司先,
刪除之後再拎Pooh Fastpass, 咁就可以玩哂呢兩個最受歡迎嘅ride啦!
Happy 20th Birthday!:) Hopefully I can go to Tokyo Disneyland and Tokyo Disney Sea someday:')
回覆刪除Thanks for your blessing. :)
刪除想問下，個日間海上巡遊完左，搵咩代上？停到幾時？Ariel個show開番末呀？thx
回覆刪除"The Legend of Mythica" 結束上演係因為港灣會進行大規模粉飾工程,
刪除所以短期內都唔會再有日間海上巡遊演出, 只係剩返夜晚嘅 "Fantasmic!"
暫時亦都唔知道工程會搞幾耐, 但實地考察過, 真係封好多地方, 應該會搞得耐
至於Ariel嗰個劇場, 新表演預計會響2015年春季上演, 但都係未公佈確實日期
咁黎緊，未更加多人去哂tdl? :p
刪除Happy Birthday!:) Support !!!
回覆刪除Thank you very much!! :)
刪除真係好開心，雖然知道你個BLOG無幾耐，不過一定會繼續睇，
回覆刪除身邊無一個超級DISNEY FANS.. 得我 所以跟隨你個BLOG去日本 哈哈。
BY超級米奇迷 JESS