反斗奇兵大本營 遊樂設施 - 衝天遙控車!

11月6日嘅 反斗奇兵大本營 預演日真係影左好多相返黎，之前放左小部份上黎；而家就等我將更多相片放上黎啦！今日同大家分享嘅係 衝天遙控車！

一入到新園區就見到色彩繽紛嘅裝飾；另外，衝天遙控車 嘅巨型軌道，相信都會吸引到大家注意。

呢個設施入口，都有好多不同嘅佈置。例如車輪招牌、搖控車模型、搖控按鈕等等......

一入到排隊區，就會發現自己已經置身於一條跑車賽道；而巨型軌道此時亦都居高臨下！

繼續行，就會進入室內嘅排隊區，入面嘅裝潢都整到好似車房咁架！

準備上車啦！好緊張啊！





上車後，胡迪、翠絲、巴斯 以三種不同語言講解安全守則。之後開始倒數：3、2、1、衝啊！





個離心力都真係幾大架，上次玩完搞到我個頭痛左成日...  等到正式開幕嘅時候我一定要再度挑戰！

好多人都會俾佢既U型軌道同埋車上傳來既尖叫聲嚇親...  但相信佢將會成為繼 飛越太空山 之後，全樂園第二刺激既遊樂設施；假如你熱愛刺激的話，就千其唔好錯過啦！